G女士嚟睇更年期，主訴係「潮熱+失眠」，她的面容有一種鬱鬱不歡，好似有好多嘢收埋的狀態，我望一望佢個樣，隨口問多句：「你最近情緒點呀？」
佢突然喊咗。 
原來佢生活壓力爆煲
：做人老婆、做人阿女、做人阿媽，仲要返工，但點做父母及丈夫都是唔滿意。
我問佢：「你擺自己喺第幾位呀？」佢呆一呆：「我⋯我都唔知啊。」
於是我同佢講：「不如試下擺自己高少少位置，errrrr….第五位？」
（唔係最前，唔使內疚；又唔係最後一個連自己都睇唔到）
我處方了安神補腎，疏肝解鬱的中藥： 熟地、女貞子、菟絲子、牡丹皮、山萸肉、鬱金、浮小麥等等的中藥。這些中藥對調整更年期的腎陰不足十分有效，舒緩更年期的症狀及情緒起伏。
下周覆診時，佢笑住入嚟，話瞓得好咗，潮熱少咗，仲開始識得提醒自己：「我都重要㗎！」
你嘅「自我排名」又係第幾？留言話我知！
專業小貼士
更年期情緒波動同荷爾蒙變化有關，中醫認為腎陰不足，但往往反映長期累積嘅壓力。適當支援+調整心態，症狀可以改善得比想像中快～ 記得要愛自己